Löggæsla...?

Núna ætla ég ekki að vera með hefðbundinn áróður á að Lögreglan sé glötuð og búin að tapa sér í stórmennsku, þó svo að þess háttar talsmáti hafi algerlega rétt á sér.
Ég er eins og flestir íslendingar búinn að sjá og heyra og fylgjast með þessum "aðgerðum" Lögreglunnar á síðustu misserum, og verð ég nú bara að segja að þó svo að það sé alls ekki auðvelt að sinna starfi sem þessu þá er nú lágmark að menn í þessum stöðum geti haft á sér hemil og sýnt fram á þann þroska að láta ekki espa sig upp í einhverja vitleysu og hreint stjórnleysi.
Mikið var nú rætt um aðgerðirnar í Norðlingaholti, en þar var deginum ljósara að það átti að mæta með hart í huga, en nóg um það því af nægu er að taka.
Myndband sem að hefur farið um eins og eldur í sinu er af þessum blessaða pilt sem að Lögreglan greip hálstaki í verslun 10-11 á dögunum, ekki gat ég séð neina ástæðu fyrir því og hvort sem að pilturinn var með "kjaft" þá er nú lágmark fyrir laganna verði að geta sýnt stilli sína, þetta er ekkert nema líkamsárás og ekkert minna en það, en vegna þess að maðurinn er Lögregluþjónn þá er eins og málið bara deyji þar, ein umfjöllun í miðlum og síðan ekki sögunna meir.
En það sem að virkilega sló mig var videoið sem að er mest umtalað núna, þar sést Lögreglumaður úða mann með piparúða í andlit af einhverjum ástæðum sem að engum eru kunnar, gat ég ekki séð betur en að maðurinn var að hörfa undan þegar að úðinn var látinn fara. Í fréttum kom tilkynning frá yfirmanni þessa Lögregluþjóns þar sem að talað er um að um ræddur maður hafi fyrr um daginn gengið í skrokk á 2 öðrum? veit ég ekki mikið um það málefni, en ég get ekki séð að það réttlæti þetta mál á nokkurn hátt.
Hvar eru afsökunnabeiðnir frá Löggæslu? Er lögreglan það langt yfir alla hafin að geta ekki viðurkennt mistök og beðist afsökunnar!?
En að lokum fyrir alla þá sem að hafa séð þetta myndbrot frá bíladögum, þá var einnig talað um að Lögregluþjónninn sem að drengurinn greip í fæturna á hafi slasast töluvert, það er nú hentugt að það gerðist, sérstaklega fyrir þá.
Er ekki spurning að fá til starfa í Lögregluna menn sem að geta haft á sér hemil og stjórn, svo er líka ekki traustvekjandi að Laganna verðir, þeir sem að eiga að vernda okkur séu búnir til úr lélegu útrunnu brauði sem að ekki þolir minnsta átak...